سياسة الخصوصية
آخر تحديث: 2 نونبر 2026
المسؤول على المعطيات
Abd Elkabir ELKASSIMI — واتساب +212 708 551 891
شنو كنجمعو
الاسم، الإيميل، رقم الواتساب، طريقة الخلاص، صورة الوصل (فالتحويل وCashPlus)، ومعلومات تقنية بسيطة بحال نوع الجهاز والصفحات اللي زرتي. معلومات البطاقة البنكية كتدخل مباشرة عند YouCan Pay وما كتوصلناش.
علاش
باش نأكدو الطلب، نوصلو ليك الكتاب، نجاوبوك، نحاربو النصب والوصولات المزورة، ونحسنو الموقع. ما كنبيعوش المعطيات ديالك وما كنكريوهاش لحتى شي حد.
شكون كيشوفها
غير صاحب الموقع، ومزودي الخدمة الضروريين (الاستضافة، YouCan Pay، واتساب) فحدود داكشي اللي خاصهم. ونقدرو نعطيوها للسلطات إلا طلباتها بشكل قانوني.
شحال كنحتافظو بيها
معطيات الطلبات كنحتافظو بيها حتى لـ 5 سنين للأغراض المحاسبية والقانونية، ومن بعد كتمسح.
الحماية
المعطيات محفوظة فقاعدة بيانات محمية، والوصولات فمخزن خاص ما كيوصلو ليه غير المسؤول. ولكن حتى شي نظام فالإنترنت ماشي مضمون 100%.
الحقوق ديالك
طبقا للقانون 09.08، عندك الحق تطلع، تصحح، تعترض ولا تطلب المسح ديال المعطيات ديالك. صيفط طلب لـ واتساب +212 708 551 891. وعندك الحق تشكي للجنة الوطنية لمراقبة حماية المعطيات (CNDP).
الكوكيز والإشهار
كنستعملو التخزين الضروري باش يخدم الموقع والخلاص. وكنستعملو Meta Pixel (فيسبوك وإنستغرام) باش نقيسو نتائج الإعلانات: زيارة الصفحات، بداية الطلب، والشراء (الثمن والعملة). ملي كيتأكد الخلاص (بالبطاقة، CIH ولا CashPlus) كنصيفطو تأكيد الشراء لـ Meta من السيرفر ديالنا مع عنوان IP ونوع الجهاز. كيتصيفط لـ Meta معرف الجهاز والكوكيز ديالها، وما كنصيفطوش الاسم، الإيميل ولا الهاتف. ما كيخدمش للزوار من أوروبا والمملكة المتحدة وسويسرا. تقدر توقفو من إعدادات الإعلانات فحساب فيسبوك ديالك، ولا بحذف الكوكيز، ولا تطلب منا عبر الواتساب.